Најмалку 32 верници загинаа во силната експлозија во шиитската џамија во авганистанскиот град Кандахар, за време на петочната молитва, пренесува дописникот на BBC од Авганистан, додавајќи дека 53 лица се тешко повредени.
Бројот на жртви постојано расте.
Иако портпаролот на талибанците во првичната изјава кажа во нападот има седум загинати и 15 ранети, дописникот на BBC јави дека има многу повеќе жртви.
Снимките што се појавија на социјалните мрежи покажуваат верници како бегаат во паника по експлозијата.
Иако сѐ уште никој не ја презел одговорноста за нападот, дописник на BBC од Авганистан на Twitter напиша дека се очекува Исламска држава наскоро да соопшти дека тој е дело на нивни бомбаш-самоубиец.
Лекар од локалната болница изјави дека во моментов се примаат многу пациенти, од кои повеќето се во многу сериозна состојба.
Пред точно седум дена речиси идентична експлозија имаше и во џамија во провинцијата Кадуз, каде најмалку 100 лица загинаа, а за која се уште никој не ја презеде одговорноста.
Светските медиуми, вклучувајќи ги и BBC и AFP, јавија дека ова е војна што ИД ја води против талибанците.
Иако членовите на милитантната група често истакнуваат дека ИД била „истребена“ од Авганистан и дека сите нејзини членови ја напуштиле земјата минатиот месец, познавачите на ситуацијата се убедени дека лидерите на ИД користат бомбаши самоубијци за да предизвикаат што поголема штета и да ги поразат талибанците.