Сѐ уште не го виделе најновото во развојот на компјутерската графика? Не знаете што пропуштате.
На настанот State of Unreal, Epic ги демонстрираше можностите на својата Unreal Engine технологија, истакнувајќи ги новите функции и оптимизации донесени од верзијата 5.2. Сепак, големо внимание привлече демото „Electric Dreams“, кое ги воодушеви гледачите со својот графички квалитет и можностите на енџинот.
Демото на Electric Dream, кое ги користи основните карактеристики на Lumen - динамичен глобален систем за осветлување и рефлексија - и технологијата Nanite, имаше за цел да демонстрира алатки за процедурално создавање содржина и прикажување на вегетација.
Демото прикажува фотореалистичко Rivian R1T возило кое се движи низ џунгла создадена со технологијата Quixel Megascans. Од теренот до вегетацијата, снимката изгледа неверојатно верна на реалниот живот, а најдобро од сè - тоа не е претходно направена анимација, туку рендерирање во реално време.
Демото го прикажува и напредокот во физичкиот мотор, така што деформацијата на гумите, амортизерите и симулацијата на течности изгледаат подобро од кога било.
Едно од најважните подобрувања што ги донесе верзијата Unreal Engine 5.2 е процедуралното создавање на светови. За време на демонстрацијата, програмерите во живо ги преместуваа карпите, а самиот енџин автоматски го пополнуваше празниот простор каде што претходно беа. Физиката е уште еден аспект што беше многу импресивен, со лијани, камења и вода што соодветно реагираа. Ова е благодарение на енџинот Chaos Physics, кој ги надминува популарните PhysX и физичкиот енџин со отворен код на Nvidia и кој со време ќе ги замени.
Целосната снимка од State of Unreal можете да ја погледнете тука:
