Првиот електричен автомобил на Maserati ќе биде GranTurismo Folgore, кој на пазарот ќе се појави во 2023 година, а неговиот електричен погон ќе нуди дури 1.200 КС.
Моделот од следната генерација требаше да дебитира уште минатата година, но имаше одложување, па затоа сè уште не сме го виделе. Maserati сега оди чекор понатаму во иднината објавувајќи го својот електричен модел GranTurismo Folgore. Презентацијата се очекува во 2023 година, а веќе е познато дека ќе развива 1.200 КС.
Maserati тоа го најави објавувајќи тизери кои навестуваат како ќе изгледа, а судејќи по нив, ова не е драстично отстапување од познатата GT форма. На тизерот се гледаат и аеродинамични тркала со три краци и препознатлива предна решетка.
Нема многу детали, но познато е дека GranTurismo Folgore ќе се базира на нова платформа и ќе биде придвижуван од три електромотори. Ќе има и батерија од 800 волти поставена на ниско ниво во автомобилот, а благодарение на 1.200 КС, од 0 до 100 km/h ќе забрзува за помалку од 3 секунди. Максималната брзина ќе биде 306 km/h.
По овој модел, на пазарот излегува електрична верзија на теренецот Grecale, која исто така се очекува во 2023 година. До 2025 година, моделите Quattroporte и Levante ќе имаат и електрични верзии, како и MC20.
Сите овие модели ќе бидат дел од брендот Maserati Folgore, а до 2030 година италијанската компанија ќе ја исполни својата цел и ќе нуди само електрични автомобили. Тоа е прилично ненадејна и брза транзиција за бренд кој моментално има само два хибрида, и тоа Levante i Ghibli.
Од Maserati сѐ уште нема информации за опсегот, времето на полнење и цената на GranTurismo Folgore, а тие информации веројатно ќе ги добиеме дури следната година.