Елон Маск е убедливо еден од најгенијалните умови во автомобилската индустрија.
Основачот на брендот електрични возила Tesla е контроверзен по многу прашања, но се чини секогаш знае да се извади од ПР неред, а притоа да троши 0 долари на маркетинг. Но, некои потези на Маск не поминуваат незабележани, а сигурно и не се заборавени од клиентите.
Прво, во 2018 година доцнеше толку многу со испораката на Model 3, што луѓето почнаа да ги повлекуваат нарачките, а лани во март најави дека ќе го поскапи истиов овој модел на електричен автомобил.
Маск сега извлече нов „трик“ од ракавот, чија цел најверојатно е да ги поттикне луѓето да купуват нов наместо половен Tesla автомбил.
Навидум незабележително и преку ноќ реши да ја откаже гаранцијата за користени возила, која важеше четири години, и најави дека отсега гаранцијата ќе важи само за една година или 16.000 километри.
„Возилата на Tesla кои се веќе купени веќе нема да бидат дел од претходниот договор за четиригодишна гаранција, а доколку автомобилот е нарачан по оваа одлука, гаранцијата ќе важи една година или 16.000 километри од датумот на нарачката“, соопшти Tesla преку официјалната веб-страница.
Минатата недела, компанијата ја откажа полисата со која гарантираше дека можете да го вратите автомобилот 7 дена по купувањето и да ја добиете целата сума назад, без да даде објаснување за таквата одлука.