Сопственикот на Tesla Motors и SpaceX, Елон Маск, го престигна Бил Гејтс на листата милијардери на Bloomberg и стана вториот најбогат човек во светот.
Откако пораснаа акциите на Tesla, нето вредноста на богатството на Елон Маск порасна на 128 милијарди долари, доволно за да биде вториот најбогат човек во светот, според Bloomberg.
На почетокот на годината Маск беше на 35 место, но во меѓувреме неговата вредност порасна за 100,3 милијарди долари, што претставува рекорд кога станува збор за порастот на вредноста во една година.
Со овој раст, Маск го надмина Гејтс на листата, двајцата милијардери не се баш во најдобри односи откако неколку пати имаа вербален конфликт на социјалните мрежи. Првата расправа меѓу нив се однесуваше на електричните автомобили, а потоа кулминираше во текот на пандемијата и различните ставови за COVID-19.
На листата милијардери според Bloomberg, покрај Маск и Гејтс, се наоѓаат и Џеф Безос, Бернард Арно и Марк Закерберг.