Елон Маск смета дека автомобилите кои ги произведува Tesla не се доволно достапни, па навести доаѓање на нов компактен електричен автомобил.
Model 3 во САД чини најмалку 37.990 долари, но Маск верува дека на компанијата ѝ е потребен поевтин модел.
„Важно е автомобилот да биде достапен. Ме мачи тоа што нашите автомобили не се доволно достапни, мораме да го решиме тоа“, истакна Маск.
Тој не откри кога ќе се појави новиот модел на пазарот, но изјави дека ќе биде помал од Model 3 и дека можеби нема да биде произведен во САД или во Кина. Претходно, Маск на Twitter зборуваше за помал автомобил во европски стил кој би било добро да биде дизајниран во Германија.
