Неодамна, младата тенисерка Ема Радукану беше ѕвезда на ревијата на Dior на модната недела во Париз.
Иако модните гиганти дури неодамна ја видоа како посакувана гостинка од првиот ред, Радукану има 20 години и веќе изграден моден стил, со што го заслужи епитетот на најдобро облечена светска тенисерка.
Со оглед на тоа дека е навикната на спортска облека на теренот, Ема најчесто носи удобни парчиња дури и кога не тренира, но умее да го избере совршениот фустан.
„Сакам да носам лежерна и удобна облека како плетен џемпер и широки фармерки. Но, кога ќе добијам шанса да одам на модни настани, забавно ми е да се дотерувам малку повеќе и да пробам различни стилови. Имав среќа да облечам убави фустани на Dior“, изјави тенисерката.
Dior не е единствениот бренд кој ја ангажирал Радукану да биде нивно заштитно лице. Ема на тениските натпревари носеше накит од Tiffany вреден 35.000 евра што предизвика големо внимание на Вимблдон.
На друг свечен настан носеше фустан од Chanel, со бисерни детали, црни лакирани чизми и обетки Tiffany.
Иако за такви посебни настани речиси секогаш избира креации со класичен крој, Ема знае да додаде некој детаљ што ја нарушува сериозноста на ваквиот изглед, а одличен пример се мрежестите чорапи и чевлите со високи потпетици, кои ги комбинираше со цветен фустан на Dior.
