Европската агенција за лекови (ЕМА) соопшти дека третата, бустер доза на вакцината на Pfizer може да се даде најмалку 6 месеци по втората доза, за лица од 18 до 55 години.
Податоците покажуваат зголемување на нивото на антитела кога третата доза се дава приближно 6 месеци по втората.
Од ЕМА велат дека дополнителна доза на вакцината на Pfizer и Moderna може да се даде на луѓе со сериозно ослабен имунолошки систем, најмалку 28 дена по втората доза.
„Ризикот од воспалителни процеси на срцето и други ретки несакани нуспојави по третата доза не се познати и ситуацијата внимателно се следи“, стои во заклучокот на Агенцијата.
Официјални препораки за трета доза може да се издадат на националнo ниво според податоците на ефикасност.
