Отишле на фризер за да се средат за настапот, а поради таа авантура НБА им ги исфрли од протоколот.
Кошаркарте на Филаделфија 76ерс, Камерунецот Жоел Ембиид и Австралиецот Бен Симонс ноќеска требаше да имаат чест да бидат дел од Ол-Стар натпреварувањето, но желбата за добра фризура ги чинеше исклучување.
Двајцата посетиле локален фризер во Филадејфија за да се средат по повод Ол-Старот, но фризерот синоќа излегол позитивен на тест за COVID-19, па НБА веднаш двајцата ги исфрли.
Ембид требаше да настапи во редовите на тимот на Кевин Дурант, додека Симонс за екипата на Леброн Џејмс.
НБА на нивното место не повика замени, па екипите во натпреварот влегоа со 11 наместо со 12 играчи. Камерунецот дури требаше да биде и во почетната петорка, а беше заменет од Зион Вилијамсон.