Центарот на Филаделфија 76ерс, Жоел Ембиид, сѐ уште не одлучил за која репрезентација сака да игра и ќе донесе одлука по завршувањето на тековното првенство во НБА.
– Често ми го поставуваат ова прашање. Во моментов сум фокусиран на сезоната во НБА, бидејќи имаме добри шанси да станеме шампиони. Сакам да се фокусирам на ова 100%. Но, добро е што добив француско државјанство. Би било одлично да се освои шампионската титула со Сиксерс, а потоа да се освои Светското првенство летово или олимпиското злато следната година. Но, не знам што ќе се случи дотогаш, бидејќи по освојувањето на шампионската титула во НБА, можам да бидам многу уморен. Така што сè ќе зависи од моето тело. Сега сум фокусиран на НБА. Ќе донесам одлука по крајот на сезоната, изјави Ембид.
Минатата година камерунскиот кошаркар доби француско и американско државјанство.
Ембиид, кој е всушност Камерунец роден во јаунде, главниот град на Камерун, во 2017 година беше во составот на камерунската репрезентација за АфроБаскетот во Конго, но потоа не настапи. Во март ќе полнни 29 година, а сѐ уште нема играно за ниту една репрезентација.
Очегледно родната татковина воопшто не ја зема предвид, туку само Франција и САД.
