Данските репрезентативци за двајца среќен добитници ќе организираат онлјан тренинг кој ќе го водат лично тие.
Кристијан Ериксен и Каспер Шмајхел ја прифатија понудата од данската непрофитабилна организација Fodboldfonden и се нафатија да одржат онлајн тренинг сесија во која освен тренинг вежби, меѓудруго и ќе ги откријат своите тајни техники вклучувајќи ги и оние за изведување на слободен удар на Ериксен и голманските маневри на Шмајхел.
Тренингот ќе трае 30 минути, а ќе вклучува и разговор со фудбалерите. Но, сето тоа нема да биде бесплатено. Всушност, во зделката е вклучена и аукциската куќа Брун Расмусен од Копенхаген која ќе го организира наддавањето, а парите потоа ќе бидат распределени во добротворни цели за данските деца на кои им е потребна помош. Пријавувањето на заинтересираните учесници трае до 2 јуни, а секој што сака да се пријави треба да се регистрира на веб-страницата и да ја даде својата парична понуда. Највисоката понуда ќе биде победничка.
Покрај фудбалерите на Интер и Лестер, во аукцијата се вклучени и Мартин Брејтвејт од Барселона, Ромелу Лукаку од Интер, Томас Дилејни и Џејдон Санчо од Борусија (Д), Јаник Вестергорд и Пјер-Емил Хејбјерг од Саутемптон, Виктор Фишер од Копенхаген, Роберт Сков од Хофенхајм, Андреас Корнелиус од Парма кои на аукцијата ги ставија своите дресови.