Италијанците не дозволуваат играчи на кои им е врадено вакво помагало на срцето да играат фудбал, па неизвесна е иднината на Кристијан Ериксен во Интер.
Данскиот офанзивен играч од средниот ред доживеа срцев удар уште на првиот натпревар на ЕУРО 2020 против Финска. Веднаш потоа му беше вграден дефибрилатор кој служи да му помага на неговото срце да превенира идни нерегуларности во срцебиењето, кои потоа предизвикувата инфаркти.
„На Кристијан Ериксен не можеме да ми дозволиме да игра во Италија. Доколку играчот го отстрани дефибрилаторот и потврди дека проблемот со срцето е отстранет, тогаш ќе може да се врати да игра за Интер“, вели Франческо Браконаро, член на техничко-научниот комитет при ФИГЦ.
Тешко веројатно дека Ериксен и неговата фамилија би се согласиле за отстранување на апаратчето кои се грижи за неговото срцево здравје. Поради ваквиот склоп на околности, негово заминување од Интер е сѐ поизвесно.
Холандскиот дефанзивец Дели Блинт е пример дека и на највисоко ниво може да се игра со вграден дефибрилатор. Тој го има веќе две години.
„Кога ми се случи мене целиот свет ми велеше дека играчката кариера ми е завршена. Дека нема повторно да заиграм. Гледајте каде сум сега. Чувствував дека сум подготвен да се вратам веднаш откако добив зелено светло од докторите во болницата и од медицинскиот тим во Ајакс. Немаше причина зошто не би можел повторно да играм на високо ниво. Најважно е да се нема страв во главата. Јас немав. Само бев неверојатно среќен што можев повторно да бидам дел од тимот“, вели за своето искуство Блинд, кој настапи и на ЕУРО.
