Илјадници Ерменци протестираат на улиците во Ереван, барајќи оставка од премиерот Никол Пашинјан, поради прекин на огнот по шестнеделна борба. Тоа овозможи напредување на Азербејџан во спорниот регион Нагорно-Карабах.
„Никол е предавник“, викаат демонстрантите по улиците на Ереван, алудирајќи на договорот за примирје. Со прекин на огнот се завршени борбите и напнатоста меѓу Ерменија и Азербејџан околу регионот Нагорно-Карабах, кои траат со децении.
Но, Ерменците тешко го примија примирјето бидејќи ова се смета за победа на Азербејџан.
Пашинјан договорот го смета за катастрофа, но нагласи дека ништо друго не му преостана, објаснувајќи дека мора да го потпише примирјето за да избегне пораз.
Но, со него не се согласува народот, илјадници излегоа на улиците демонстрирајќи пред владините згради. Некои од нив упаднаа и ги ограбија објектите, пренесе Reuters.