Европската вселенска агенција ЕСА ја прекина соработката со руската вселенска агенција Роскоскомс во мисијата ExoMars 2022.
Лансирањето на мисијата ExoMars 2022, односно роверот наменет за истражвуање на Црвената планета, требаше да биде извршено во септември, но ЕСА денеска соопшти дека соработката со Роскосмос е прекината. Како причина е наведена руската инвазија на Украина.
„Како меѓувладина организација која за задача има да развива и имплементира вселенска програма со почитување на европските вредности, длабоко жалиме поради човечките жртви и трагичните последици од агресијата на Украина. Иако е свесна за влијанието на научното истражување на вселената ЕСА во целсот е ускладена со санкциите воведени на Русија“, стои во соопштението на ЕСА.
Советот на ЕСА на состанок во Париз ја процени ситуацијата во Украина која се однесува на мисијата ExoMars и донесе едногласна одлука. Заклучено е дека соработката со Роскосмос во мисијата за роверот ExoMars за 2022 година не може да продолжи и генералнито директор на ЕСА е овластен да преземе чекори за запирање на соработката.
Исто така, овластен е да спроведе брза процена за што подобро да се дефинираат достапните опции за понатамошно имплементирање на мисиите на рвоерот ExoMars.
По одлуката на Роскосмос да го повлече својот персонал од Европското вселенско пристаниште во Француска Гвајана, сите мисии планирани за лансирање со ракетата Сојуз се ставени на чекање.