Земјите-членки на Европската Унија денеска се договорија за 14-тиот пакет санкции против Русија, кој вклучува нови насочени мерки и забрана за извоз на течен гас во трети земји преку ЕУ, објави белгиското претседателство.
„Амбасадорите на ЕУ штотуку се договорија за силен и значаен 14-ти пакет санкции како одговор на руската агресија врз Украина“, објави ротирачкото белгиско претседателство на социјалната мрежа Х.
Последниот пакет вклучува „нови насочени мерки и ги затвора дупките“ за да се избегнат санкциите воведени досега, додава претседателството.
Забраната за извоз на течен гас во трети земји преку морските води на ЕУ е првата мерка поврзана со LNG.
Сепак, компаниите од земјата-членка сепак ќе можат да купуваат руски течен гас за европскиот пазар.
Со новите санкции, ЕУ вели дека се обидува дополнително да го ограничи профитабилниот бизнис со извоз на течен гас и да ја ограничи способноста на Русија да ја финансира војната против Украина со овие средства.
Дополнително, беа договорени и построги мерки за санкционирање на заобиколувањето и затворање на дупките кои останаа отворени во 13 претходни пакети санкции.
