Судот на Европската Унија денеска потврди две важни одлуки на Европската комисија - казна за Google од 2,4 милијарди евра и дека Apple добил нелегална поддршка во Ирска од 13 милијарди евра, кои мора да ги врати.
Судот на ЕУ ја потврди казната од 2,4 милијарди евра изречена на Google за злоупотреба на доминантната позиција со фаворизирање на сопствената услуга за споредба на производи.
Во 2017 година, Комисијата го казни Google со околу 2,4 милијарди евра за злоупотреба на неговата доминантна позиција на неколку национални пазари за пребарување на интернет со фаворизирање на сопствената услуга за споредба на производи во однос на истата услуга на нејзините конкуренти.
Бидејќи Општиот суд во суштина ја потврди таа одлука и ја потврди казната, Google и Alphabet поднесоа жалба до Судот, која сега е одбиена.
Судот на правдата на ЕУ, исто така, ја потврди одлуката на Европската комисија од 2016 година дека Ирска му одобрила незаконска помош на Apple, која компанијата мора да ја врати.
Во 2020 година, Општиот суд ја поништи одлуката на Комисијата, сметајќи дека таа не го докажува доволно постоењето на селективна предност во корист на тие компании. Откако Комисијата поднесе жалба, Судот сега ја укина пресудата на Општиот суд и конечно го реши спорот, потврдувајќи ја одлуката на Комисијата.
Судот потврди дека Apple незаконски имал корист од даночните олеснувања што претставуваат државна помош доделена од Ирска. Оваа поддршка се однесуваше на даночниот третман на добивката од активностите на Apple надвор од САД.
