На Европското фудбалско првенство 2020 поставен е нов рекорд во постигнати голови, објави УЕФА. Екипите постигнаа 118 погодоци.
Претходниот рекорд од 108 голови беше поставен на ЕУРО 2016.
109-от гол на ЕУРО 2020 го постигна Хрватот Мислав Оршиќ, вчеравечер во осминафиналниот натпревар со Шпанија (3:5).
Пред воведувањето на форматот од 24 екипи во 2016 година, турнирот во 2000 година беше најпродуктивен. Екипите погодија 85 пати на тоа ЕП.
Во тековното Европско првенство исто така поставен е и рекорд за просечен број на голови по натпревар од воведувањето на групната фаза во 1980 година. Во просек, на ЕУРО 2020 се постигнуваат 2,81 погодок.
Пред воведувањето во групната фаза, најмногу голови беа постигнати во ЕП 1976 година – 4,75 гола на натпревар.
