Ракометарите на битолски Еурофарм Пелистер и скопски Вардар 1961 ја оправдаа фаворитската улога во полуфиналните пресметки на завршниот турнир во Купот на Македонија што се одржа во Кавадарци и ќе играат за трофејот во неделното финале.
Еурофарм Пелистер не дозволи изненадување и со 26:21 (16:9) го совлада Бутел во полуфиналето.
Пласман во финалето обезбеди и бранителот на трофејот Вардар со триумф над Еурофарм Пелистер 2 со 28:24.
На програмата денеска се двете полуфинални пресметки во женскиот ракометен куп меѓу Куманово - Металург (14 часот) и Ѓорче Петров - Чаир (17 часот).
Машкото финале ќе се игра в недела со почеток во 19:30 часот, а претходно од 17 часот е натпреварот за трофејот во женска конкуренција.
