Ракометарите на Еурофарм Пелистер лесно и убедливо ја совладаа домашната екипа на Металопкастика со 34:27 на паркетот во Шабац.
Битолчани беа во водство во текот на целиот натпревар, првото полувреме го завршија со предност од 2 гола разлика (14:16), а во вториот дел од средбата водството континуирано го зголемуваа од 4 до 10 голови разлика (19:29, 48 минута од натпреварот), за да на крајот победат и впишат нови бодови во ракометната СЕХА лига.
Најдобар поединец на натпреварот беше голманот Градимир Чаневски со 14 интервенции, а во листата на стрелците поеднакво ефикасни беа Матеа Додиќ во тимот на Металоластика и Елмир Граџан во тимот на Еурофарм Пелистер кои постигнаа по 7 голови.