Ракометарите на Еурофарм Пелистер синоќа во 11. коло во Лигата на шампионите забележаа пораз во Лисабон од Спортинг со 24:30.
Пелистер во Лисабон беше во игра до 40-тата минута, кога Спортинг со серија од 4:0 се одлепи на 21:17. Се што успеаја да направат играчите на Пелистер беше да се доближат на два негатива, но потоа Спортинг со уште една серија го реши победникот.
Најефикасен кај Пелистер беше македонскиот репрезентативец Филип Кузмановски со 6 погодоци, додека 5 постигна Хосни.
Пелистер остана на 6 бодови, но назадуваше на табелата, откако Висла Плоцк приреди сензација и во Париз го совлада ПСЖ со 31:28, што се лоши вести за клубот од Битола.
Висла и Пелистер имаат по 6 бода, но полскиот тим е подобар во меѓусебниот скор.
Резултати:
Динамо Букурешт - Веспрес 26:33
Фихсе - ФХК Елит 36:29
ПСЖ - Висла 28:31
Спортинг Еурофарм Пелистер 30:24
Табела:
