Ајфеловата кула во Париз е евакуирана откако е добиено закана за поставена бомба, наведоа од управата на кулата и полицијата, пренесе ДПА.
Полицијата за ДПА потврди дека е примена закана за поставена бомба и дека се спроведува операција во областа.
Раководството на Ајфеловата кула соопшти дека е извршена евакуација на кулата, една од најпознатите туристички атракции во француската престолнина.
Пред пандемијата, околу 25.000 туристи дневно ја посетуваа Ајфеловата кула, изградена пред 131 година.
