Претставниците на Формула 1 и Големата награда на Белгија го продолжија договорот за уште четири сезони. Трки на легендарната патека „Спа-Франкоршам“ ќе се возат во 2026, 2027, 2029 и 2031 година.
„Спа-Франкоршам“ е во календарот уште од првата сезона во Формула 1, во 1950 година, и таму се одржани вкупно 57 трки за ГН на Белгија.
Многу светски шампиони во Формула 1, како Аиртон Сена, Михаел Шумахер, Ники Лауда, Себастиан Фетел, Луис Хамилтон и Макс Верстапен, извојуваа победи на оваа патека.
Во последните години се инвестираше во „Спа-Франкоршам“, со што капацитетот се зголеми за 10.000 седишта.
Овогодинешниот тркачки викенд во Белгија ќе се одржи од 25 до 27 јули, а вклучува и спринтерска трка.
Новата сезона во Формула 1 започнува на 16 март со Големата награда на Австралија.
