Поп-ѕвездата Гвен Стефани (50) се сврши со седум години помладиот кантри пејач Блејк Шелтон.
Двајцата објавија заедничка фотографија на своите профили на Instagram со известување за свршувачката.
„Да, молам“, напиша Гвен покрај фотографијата на својот профил, додека Блејк даде трогателен коментар покрај истата фотографија:
„Ти благодарам што ми ја спаси 2020 година и остатокот од животот. Те сакам“.
Стефани и нејзиниот свршеник се вљубија во 2015 година додека беа членови на жирито во натпреварувачкото шоу The Voice, а бидејќи и двајцата минаа низ тешки разводи пред тоа, лесно најдоа заеднички јазик.
Откако ја доби наградата CMT на почетокот на овој месец за песната „Nobody But You“ во категоријата најдобар дует, пејачот рече дека тој и неговата девојка се подготвени за следниот чекор во нивната врска.
„Верувале или не, ние сме заедно веќе пет години“, рече пејачот, додавајќи дека тој и Гвен работат на сè и дека се подготвени за работи што сè уште не ги постигнале.
Гвен неодамна учествуваше во шоуто на Џими Кимел и кога колешката Дуа Липа ја праша како го поминала времето во изолација со сопругот, пејачката одговори дека не се во брак, „ама тоа добро звучи“.
Гвен беше во изолација поради коронавирусот со Блејк и нејзините деца во Оклахома, заедно со уште неколку членови на семејството.
„Правевме работи за кои ми е жал што немав време да ги правам во последните 20 години. Глупави работи како берење капини и одгледување пченка“, рече Блек за неговото искуство во изолација со Гвен.
Двајцата купија заедничка куќа во почетокот на годинава, така што веста за свршувачката не беше големо изненадување за јавноста.