Бијонсе наиде на критики за нејзиниот говор на доделувањето на Греми наградите, а многумина ја нарекоа „дволична“ и „лицемерна“ за она што го кажа на сцената додека ја примаше наградата.
41-годишната пејачка влезе во историјата соборувајќи го рекордот по бројот на освоени Греми награди откако ја доби својата 32-ра статуетка на свеченоста. Зборувајќи пред присутните, таа низ солзи им се заблагодари на својот сопруг, децата и починатиот геј вујко и нагласи како својот албум го посветува на афроамериканската и квир денс култура.
Сепак, обожавателите веднаш ја прозваа ѕвездата затоа што во нејзиниот говор ја спомнала ЛГБТИК заедницата, бидејќи неодамна одржа концерт во хомофобниот Дубаи, за што беше платена неверојатни 24 милиони долари.
„Бијонсе се заблагодарува на квир заедницата на Греми неколку дена по настапот во Дубаи... Сега ми е мило што не ја освои наградата за албум на годината“, напиша еден фан на Twitter.
„Очигледно заборавила дека за 24 милиони долари се согласила да пее во земја каде што убиваат ЛГБТИК луѓе“, додаде друг.
На концертот не изведе ниту една песна од последниот албум
Да потсетиме, спорниот концерт се одржа само за лица со ВИП влезници, кои мораа да се појават во свечена облека. Публиката беше воодушевена од големиот огномет, а меѓу познатите во публиката беа и Клои и Хали Бејли, Ниа Лонг, Кендал Џенер и Ребел Вилсон.
Настапот го започна со At Last од Ета Џејмс, а потоа следеа нејзините хитови Beautiful Liar, Halo, Crazy in Love и други. Интересно е што Бијонсе не изведе ниту една песна од нејзиниот последен албум Renaissance од 2022 година, кој беше номиниран за Греми и кој го посвети на ЛГБТИК заедницата.
