Во чест на роденденот на англиската писателка Џејн Остин, одвоивме неколку фасцинантни книжевни цитати од нејзините дела.
Родена е на 16 декември 1775 година, починала на 18 јули 1817 година. Таа во романите реалистички го слика секојдневниот живот на англиската провинција. Заплетите на нејзините романи, проткаени со хумор и блага иронија се едноставни и произлегуваат од психологијата на ликовите во обичните човечки односи, а дијалогот е многу вешто воден.
Познати нејзини дела се: „Разум и чувства“, „Гордост и предрасуди“, „Паркот Менсфилд“, „Ема“, „Убедување“ и други.
Делата на Остин комично ја нагласуваат зависноста на жената од бракот за да обезбеди положба во општеството и економска безбедност. Иако напишала 6 книги за љубовта, таа никогаш не се омажила.
Не постои жена во светот која не ја читата Џејн Остин, а овие цитати ќе ве убедат во тоа:
„Фантазијата на жената е многу брза, за само еден момент може да скокне од почит во љубов и од љубов во брак.“
„Постојат луѓе, кои, колку повеќе правиш за нив, толку помалку ќе прават за себе.“
„Личноста, без разлика дали е господин или госпоѓа, која не ужива во добра книга, мора да е неподносливо глупава.“
„Колку повеќе го запознавам светот, толку повеќе сум убедена дека нема да најдам маж кој навистина ќе го сакам. Јас навистина многу барам!“
„Со сигурност нема толку богати мажи во светот, колку што има жени кои ги заслужуваат.“
„Добро позната вистина е дека самец кој има големо богатство мора да сака сопруга.“
„Понекогаш, жената може да изгледа подобро на 29 години одошто изгледала 10 години претходно.“
„Пружи ѝ на девојка образование и добро запознај ја со светот, 10 наспрема 1 дека таа има сè што ѝ треба за да ѝ биде добро во животот, без понатаму да биде трошок за никого.“
„Пријателството е најдобар мелем за болката од љубовното разочарување.“
„Знаете, себичноста мора секогаш да се простува, бидејќи не постои надеж дека може да се излечи.“
