Деветтото продолжение на „Fast and Furious“ оствари заработка од 70 милиони долари во текот на премиерното прикажување во Северна Америка, пренесе Variety. На меѓународно ниво, филмот досега заработи 405 милиони долари.
Остварувајќи заработка од 70 милиони долари во првиот викенд од прикажувањето, филмот урна рекорди за најголема заработка во текот на пандемијата со коронавирусот. Претходно, рекордот го држеше хорор филмот „A Quiet Place II“ со заработка од 48.3 милиони долари.
Вин Дизел претходно потврди дека ќе има уште две продолженија кои би можеле да се појават во 2023 и 2024 година. Истите ќе бидат во режија на Џастин Лин, којшто го режираше и деветтото продолжение, но и продолженијата „The Fast and the Furious: Tokio Drift“, „Fast & Furious“, „Fast Five“ и „Fast & Furious 6“.
„F9“ се прикажува во киносалите од 17 јуни годинава.