Деветтото продолжение на „Fast & Furious“ заработи 162.4 милиони долари на светскиот бокс-офис. Филмот беше премиерно прикажан во 8 земји меѓу кои се Кина, Јужна Кореја и Хонгконг.
Одличната продажба на билетите во киносалите е охрабрувачки старт за летната филмска сезона во време на пандемија.
Од 162 милиони долари, 135 милиони долари филмот заработи само во Кина. Во Јужна Кореја премиерното прикажување донесе заработка од 9.9 милиони долари, додека на Блискиот Исток и во Хонгконг, заработи 6.2 милиони долари, односно 2.4 милиони.
Филмот е во режија на Џастин Лин, а главните улоги ги толкуваат Вин Дизел, Мишек Родригес и Џон Цена.
Бокс-офисот во Северна Америка не доживеа значителни промени, хорор филмот „Spiral“ заработи 4.6 милиони долари и се најде на првото место. По него следат акционата авантура „Wrath of Man“ со 3 милиони долари и трилерот „Those Who Wished Me Dead“ со 1.9 милиони долари.
