Федералното истражно биро на САД (ФБИ) отвори оддели низ земјата со цел побрзо да се реагира на протестите поради за убиството на Џорџ Флојд во Минеаполис.
Американската ТВ мрежа CNN информира дека официјален претставник на Министерството за правда изјавил дека главниот обвинител (министер за правда) Вилијам Бар му наредил на специјален тим на ФБИ да ѝ помогне на локалната полиција во Вашингтон за време на протестите.
Бар, исто така, испратил интервентна единица од Одделот за затвори во Вашингтон и во Мајами, соопштија официјалните лица.
Во меѓувреме, полицаецот од Минеаполис, Дерек Шовен, кој го усмрти Флојд давејќи го со колено, беше пренесен во максимално обезбеден затвор до неговото прво појавување пред суд.
Тој е осомничен за убиство од трет степен и малтретирање, првото сослушување пред суд му е закажано за 8 јуни, а одредена му е кауција од 500.000 долари.