Одењето на море со бебе е многу забавно, но и стресно бидејќи на бебето му е потребна дополнителна заштита од топлина, вода и сонце.
Има многу предмети кои се ставаат околу телото на бебињата за да можат да бидат во вода без да потонат. Сепак, еден предмет што родителите често го користат е контроверзен, а американската Администрација за храна и лекови (ФДА) вели дека воопшто не треба да го користат. Станува збор за гумениот околувратник на надувување која се става околу вратот на бебето.
Откако едно бебе било хоспитализирано, а друго починало поради употребата на овој додаток за пливање, експертите издадоа предупредување. Имено, дел од овие додатоци, кои имаат за цел да им дадат можност на бебињата слободно да пливаат по вода, се продаваат за бебиња на возраст од само две недели.
„Ризиците од користење на околувратник за доенчиња вклучуваат смрт од давење и гушење, напрегање и повреда на вратот на бебето. Бебињата со посебни потреби, како што се оние со спина бифида, може да бидат изложени на зголемен ризик од сериозни повреди“, напиша ФДА во соопштение.
„Иако ФДА верува дека смрт или сериозна повреда од детските околувратници е ретка, давателите на здравствени услуги, родителите и старателите треба да бидат свесни дека ризикот навистина постои. Исто така, можно е некои случаи да не се пријавени кај соодветниот орган“, забележаа тие.
„Иако некои компании ги рекламираат овие додатоци за бебиња, ФДА не им даде дозвола или одобрение за употреба на овие производи“, напиша владината организација во соопштението.