Кошаркарите на Денвер Нагетс победија на гости кај Шарлот Хорнетс со 113:109 благодарение на извонредната партија на Никола Јокиќ кој оствари трипл-дабл.
Нагетси го решија натпреварот во третиот период кога поведоа со 9 поени предност, а до крајот успеаја да го задржат водството за 41. сезонска победа.
Никола Јокиќ постигна 26 поени со 19 скока и 11 асистенции за својот 19-ти трипл-дабл сезонава. Арон Гордон додаде 21 поен, а Вил Бартон 18 за Нагетс.
Мајлс Бриџис постигна 27 поени со 11 скока, а ЛаМело Бол додаде 22 поена, 11 асистенции и 6 скока за Шарлот.
Интересно беше и во пресметката меѓу Торонто Репторс и Бостон Селтикс во која домашните победија со 115:112, а блескаше Паскал Сјакам со 40 поени и 13 скока. Маркус Смарт, пак, постигна 28 поени за Селтикс.
Без повредениот Јусуф Нуркиќ, Портланд Трејл Блејзерс претрпе пораз од Оклахома Сити Тандер на свој паркет со резултат 134:131.
Ајзеја Роби со 30 и Арон Вигинс со 28 поени ги предводеа гостите до триумф, додека кај домашниот тим најефикасни беа Бен МекЛемор со 28 и Дру Јубенкс со 27 поени.
Резултати:
Шарлот Хорнетс - Денвер Нагетс 109:113
Кливленд Кавалирс - Орландо Меџик 107:101
Индијана Пејсерс - Атланта Хокс 123:132
Мајами Хит - Сакраменто Кингс 123:100
Њујорк Никс - Чикаго Булс 109:104
Торонто Репторс - Бостон Селтикс 115:112 (прод.)
Хјустон Рокитс - Сан Антонио Спарс 120:123
Мемфис Гризлис - Голден Стејт Вориорс 123:95
Портланд Трејл Блејзерс - Оклахома Сити Тандер 131:134 (прод.)
Табела:
