Манчестер Сити го совлада Њукасл Јунајтед на гости во натпреварот од 36-то коло на англиското првенство со 4:3, а најдобриот момент се случи во 42-та минута од натпреварот.
Феран Торес на спектакуларен начин го постигна вториот гол на Сити на натпреварот. Поранешниот фудбалер на Валенсија реагираше брилијантно по центаршут и со пета во воздух ја насочи топката кон голот.
По нафрлањето на Илкај Гундоган, веројатно никој од играчите на Њукасл не очекуваше Торес да биде опасен за голот, бидејќи тој излезе на десната страна и му беше свртен со грб, но Шпанецот успеа да изведе вистинско ремек-дело.
Екипата на Пеп Гвардиола извојува 12 победи по ред во Премиер лигата. Ова е англиски рекорд за четирите најдобри дивизии во земјата.
Сити ја освои Премиер лигата пред предвидениот рок оваа сезона. По 36 кола, клубот има 83 бода, 13 повеќе од второпласираниот Манчестер Јунајтед.
