Иако дојде на полусезона, португалскиот голгетер успеа да остави таков впечаток што ја освои наградата за најдобар играч на клубот за изминатата сезона.
Наградата „Сер Мет Базби“ за играч на сезоната 2019/20 во редовите на Манчестер Јунајтед заминува кај Бруну Фернандеш, иако тој одигра само една полусезона.
Портгалецот кога пристигна од лисабонски Спортинг остави таков впечаток на „Олд Трафорд“ што драстично ја промени играта на тимот одлично вклопувајќи се во замислите на Оле Гунар Солскјер.
Фернандеш го победи Антони Марсјал во гласањето на навивачите, додека Маркус Рашфорд заврши трет. Голгетерот освои 35,5% од гласовите, само 1,5% повеќе од Марсјал, додека Рашфорд доби само 10,4%.
„Нормално дека сакам да освојам трофеи со тимот, за клубот и за навивачите, но среќен сум и со индивидуалните награди. Тие се важни за секој играч. Секогаш добро е чувството кога се освојуваат ваквите награди, не сум ни јас поинаков“, рече Фернандеш.
Откако дојде во јануари, Фернандеш се промовираше во клучен играч кај „Црвените ѓаволи“. Постигна 12 голови и 8 систенции во 22 натпревара во сите натпреварувања, а беше и непогрешлив изведувач на ударите од белата точка. Не успеа да освои пехар откако Јунајтед заринка во полуфиналињата од ФА Купот и Лига Европа, но во Премиер лигата го однесе клубот до 3. место и пласман во Лигата на шампиони,.
