Во најуспешната година во својата историја, познатата италијанска автомобилска компанија само од продажба на автомобили заработила 939 милиони евра.
Во Маранело имаат причина да слават, бидејќи официјалните извештаи покажаа дека во 2022 година Ferrari продаде најмногу автомобили во својата повеќедецениска историја и со тоа забележа рекорден профит.
Минатата година Ferrari испорача 13.221 автомобил на клиентите ширум светот, што е за 2.066 повеќе од официјалните продажни резултати во 2021 година, во кои беа испорачани 11.155 примероци, па Ferrari лани (само од зголемена продажба на автомобили) заработи 939 милиони евра, 106 милиони повеќе во споредба со резултатот од 2021 година.
Со зголемувањето на продажбата, минатогодишниот вкупен профит на Ferrari, кој е остварен преку сервисирање на автомобили, резервни делови и бројни други активности, надмина пет милијарди евра, а во Маранело процениле дека на крајот на оваа година бројките би можеле да бидат уште подобри, бидејќи се споменува заработка од 5,7 милијарди евра.
Во реализацијата на плановите несомнено ќе помогне и првиот кросовер модел на Ferrari (Purosangue), чија испорака стартува оваа година. Побарувачката за четири седишта придвижуван од 6,5-литарски V12 мотор ги надмина сите очекувања, па листата на чекање е две години.
