Четирикратниот шампион на Ф1 во сезоната 2021 ќе се натпреварува за тимот на Астон Мартин, кој е всушност Рејсинг Поинт со ново име.
По шест сезони во Ферари завршува љубовта помеѓу италијанскиот тим и германскиот возач откако тимот одлучи да не му понуди нов договор. Сега Себастијан Фетел потврди дека во наредната сезона ќе има нов клуб и тоа клуб кој се ребрендира.
Рејсинг Поинт беше купен од канадскиот милијардер Лоренс Строл, кој е газда на Астон Мартин. оттаму и новото име.
„Ова ќе биде нова авантура за мене и тоа во навистина легендарна автомобилска компанија. Навистина сум горд што можам да кажам дека ќе бидам возач на Астон Мартин во 2021 година. Резултатите на тимот годинава ме импресионираа и верувам дека заедничката иднина е светла“, рече Фетел.
Тој во преименуваниот Рејсинг Поинт ќе го замени Серхио Перес. Сезонава Рејсинг Поинт моментално е на 4. место на табелата кај конструкторите со 21 поен пред Ферари кој е шести. Оствари еден подиум и тоа на последната трка во Монца кога Ленс Строл, инаку син на газдата, успеа да заврши трет.
Фетел возејќи за Ферари оствари 14 победи, а сезонава на осѕмте трка ниту еднаш не се искачи на подиумот. Пред Ферари 6 сезони возеше за Ред Бул каде ги доживеа и најдобрите денови освојувајќи 4 шампионски титули. Во Ф1 дебитираше за Заубер во 2007, а потоа возеше и за Торо Росо.