Според одлуката на ФИА наредната сезона ќе се возат дури 23 трки со тоа што 22 патеки се веќе познати.
Сезоната 2021 ќе почне на 21 март со трката за Големата награда на Австралија која ќе се вози на „Алберт Парк“ патеката во Мелбурн, а ќе заврши на 5 декември со Големата награда на Обединетите Арапски Емирати, трка која ќе се вози на патеката „Јас Марина“ во Абу Даби.
Единствениот прашалник е каде ќе се вози четвртата тркса од шампионатот закажана за 25 април. Тој датум првично беше резервиран за Виетнам кој требаше да дебитира во Ф1 со трката во Ханој, но поради истрага за корупција кај организаторите на трката нема да учествува нареднава сезона.
Календарот за новата сезона изгледа вака:
- 21 март – Мелбурн, Австралија
- 28 март – Сахир, Бахреин
- 11 април – Шангај, Кина
- 25 април – дополнително ќе се одлучи
- 9 мај – Барселона, Шпанија
- 23 мај – Монако
- 6 јуни – Баку, Азербејџан
- 13 јуни – Монтреал, Канада
- 27 јуни – Ле Кастеле, Франција
- 4 јули – Спилберг, Австрија
- 18 јули – Силверстоун, Обединето Кралство
- 1 август – Будимпешта, Унгарија
- 29 август – Спа, Белгија
- 5 септември – Зандворт, Холандија
- 12 септември – Монца, Италија
- 26 септември – Сочи, Русија
- 3 октомври – Сингапур
- 10 октомври – Сузука, Јапонија
- 24 октомври – Остин, САД
- 31 октомври – Мексико Сити, Мексико
- 14 ноември – Саун Пауло, Бразил
- 28 ноември – Џеда, Саудиска Арабија
- 5 декември – Абу Даби, ОАЕ