На денешната прес-конференција министерот за здравство Венко Филипче извести дека починаа уште двајца пациенти заболени од COVID-19.
Станува збор за 91-годишно лице и 31-годишен маж кои биле во тешка здравствена состојба.
Пациентот на 91-годишна возраст осум дена бил во болница, додека пациентот на 31-годишна возраст вчера бил ставен на респиратор, но за жал, утрово починал.
Вкупниот број на новозаболени е 16 со што вкупниот број се искачи на 257. Со новите случаи до денеска COVID-19 починале шест лица.
На Инфективната клиника, додаде тој се примени тројца пациенти, од Скопје и од Куманово и во моментов таму има вкупно 49 хоспитализирани лица, од кои седуммина се со потешка клиничка слика, односно имаат пневмонија, а другите пациенти се во стабилна состојба. Во моментов нема пациенти на респираторни машини
Стабилна е состојбата на сите други, како и на оние кои се на домашно лекување.
За неколку дена седум пациенти ќе може да бидат пуштени дома, затоа што тестовите покажуваат дека се негативни на коронавирусот, но министерот најави дека состојбата со нив ќе се следи.
За вчерашниот смртен случај во Струга министерот најави отпуштање на директорката на Охридската болница и ќе биде поставен нов директор, додека се истражува случајот за каков било направен пропуст.
Во тек е прес-конференцијата на која министерот дава најнови информации со состојбата со коронавирусот.
