Хидилин Диаз го освои првиот златен медал за Филипини во дигање тегови, а за тој подвиг освен солидна парична награда доби и низа околности кои засекогаш ќе ѝ го променат животот.
Властите одлучија да ѝ подарат нова куќа и 660.000 долари, додека авиокомпанијата AirAsia Philippines ѝ додели награда за доживотни бесплатни летови со авион.
„Сакаме сите Азијци да веруваат дека секогаш можат да успеат. Хидилин нè потсети дека со внатрешна сила, истрајност и со големо срце може да минете низ сè, без разлика колкав товар носите со себе“, изјави Стив Даилисан од споменатата авиокомпанија.
Филипинските спортисти до Токио освоија десет олимписки медали, меѓутоа ниту едно злато.
Диаз до златото стигна со вкупно кренати 224 килограми, што е нов олимписки рекорд.
