Владата на Филипини продолжи да уништува луксузни автомобили, чин којшто стана традиција во земјата.
Филипинската царина уништи 21 автомобил, а меѓу новите жртви се McLaren 620R, Bentley Flying Spur, Porsche 911, Mercedes SLK, Lotus Elise, Toyota Solara и други. Уништени се и 14 примероци на Mitsubishi Jeep.
Автомобилите се илегално внесени на Филипини во периодот меѓу 2018 година и 2020 година. Запленети се и уништени според претседателската директива 2017-446 во која претседателот Родриго Дутерте истакна дека уништувањето на криумчарени возила испраќа моќна порака за сериозната намера во борбата против криумчарењето.
Претходно меѓу уништените беа BMW Z1, Ferrari 360 Spider, Lamborghini Gallardo, Renault 5 Turbo и други.