Тајсон Фјури важи за еден од најдобрите боксери, омилен е низ целиот свет, а на 3 декември го очекува борба против британскиот професионален боксер Дерек Чисора.
Многумина од обожавателите му замеруваат што на врвот од кариерата договара борба во која победникот е многу извесен, наместо да се бори против Ентони Џошуа или некој друг, поатрактивен борач. Обожавателите не сакаат да гледаат како Фјури се бори со некој кој веќе двапати го има победено.
Истата работа му ја кажа и јутјуберот Брајан Дејвис додека му гостуваше во емисија, но од овој став Фјури многу се изнервира и одлучи да го напушти разговорот. Пред да го прекине интервјуто, му упати жестоки навреди на Дејвис.
„Тој има постигнато во боксот тоа што ти не можеш со уште десет луѓе. Нема да дозволам вака да го оцрнуваш. Ако не сакаш да купиш влезница, немој. Баш ми е гајле“, му возврати Фјури. „Мислам дека си глупак, идиот. Нема повеќе да правам интервју со тебе“, продолжи налутениот Фјури со навреди.
Кога водителот го праша дали има технички проблеми, Фјури повторно му возврати со навреди.
