Оваа течна фокача од тесто со модар патлиџан и сирење е брзо и лесно јадење без месење, совршено за секој оброк.
Вкусна, едноставна и брза за подготовка, оваа фокача е совршен избор за секој оброк. Без месење или чекање тестото да нарасне, ќе добиете мека и ароматична пита со богат фил од модар патлиџан и сирење. Идеана е за појадок, ручек или лесна вечера.
Ако сакате поинтензивен вкус, во смесата додадете малку оригано или мајчина душица. Можете да користите кремасти сирења по избор, како што е рикота, а оригиналниот рецепт вели страчино или крешенца. За покрцкава кора, пред печењето посипете ја фокачата со пармезан и неколку капки маслиново масло.
Потребни состојки:
- 1 модар патлиџан
- 300 гр кремасто сирење
- 1 праз или кромид
- 1 чешне лук
- пармезан по вкус
- 1 чаша вода
- 250 гр брашно
- сол
- бибер
- маслиново масло
Подготовка:
Модриот патлиџан исечкајте го на тенки прстени и кратко пропржете го на маслиново масло, заедно со ситно сечканите праз (или кромид) и лук. Зачинете со сол и бибер. Кон крајот на пржењето додадете кремасто сирење и пармезан и оставете сѐ да се растопи.
Во сад измешајте ги брашното, водата, прстофат сол и малку маслиново масло. Мешајте додека не добиете мазна, течна смеса. Истурете го тестото во подмачкан плех, развлечете го и печете 7-10 минути на 200 степени. Потоа извадете го и премачкајте го филот и вратете го во рерна 20 минути додека не порумени. Сервирајте топла или ладна – фокачата е еднакво вкусна и кога е оладена.
