Напаѓачот на Јувентус, Кристијано Роналдо стана првиот фудбалер милијардер, објави Forbes.
Триесет и петгодишниот Португалец стана третиот спортист кој успеа да го сруши овој лимит. Претходно, голферот Тајгер Вудс (во 2009 година) и боксерот Флојд Мејведер (во 2017 година) станаа милијардери спортисти.
За време на својата 17-годишна професионална кариера, Роналдо заработи плата од 650 милиони долари во разни клубови, а со оглед на досегашниот договор со Јувентус, напаѓачот се очекува да заработи 765 милиони долари до јуни 2022 година. Останатите пари што фудбалерот ги заработи се преку спонзорски договори.
Кариерата ја почна во Андуриња, потоа играше во младинските категории на Насиунал од Мадејра пред да се префрли во великанот Спортинг каде и дебитираше во сениорскиот свет. Во 2003 замина во Манлестер Јунајтед каде стана еден од најдобрите светски фудбалери. Во 2009 се префрли во Реал Мадрид со кој освои сѐ што може да се освои, а од 2018 е во Јуве.