„Forza Horizon 5“ и неговите претходници долго време беа ексклузивни за конзолите Xbox и PS, но најновиот наслов на оваа симулација на возење, која е поставена во Мексико, ќе биде достапен и на PlayStation кон крајот на оваа година или напролет.
Точниот датум на пристигнување на игрицата сè уште не е одреден, а кога ќе биде достапна, PlayStation 5 ќе има поддршка за cross-play, која веќе се нуди помеѓу Xbox и PC. Гејмерите ќе можат да ги купат истите пакети за автомобили, како што се експанзиите „Hot Wheels“ и „Rally Adventure“.
Покрај поддршката за PlayStation, „Forza Horizon 5“ добива и бесплатна надградба на содржина наречена „Horizon Realms“. Ова ажурирање вклучува избор на цели во развојот на светот за ограничено време, но развивачот Playground Games сè уште не откри детали.
„Forza Horizon 5“ е најновата поранешна ексклузивна игрица за Xbox која го премина „мостот“ до PlayStation. Игрицата е достапна од ноември 2021 година, така што нејзиното отворање за нова публика може да помогне да се зголеми продажбата.
„Indiana Jones and the Great Circle“ дебитираа како ексклузива за Xbox во декември, но ќе дојдат на PlayStation оваа пролет. Меѓу насловите кои тргнаа по истиот пат се „Sea of Thieves“, „Hi-Fi Rush“, „Pentiment“ и „Grounded“.
