Чудесниот Кари донесе победа за Голден Стејт и водство во серија против Хјустон

Голден Стејт Вориорс го совлада Хјустон Рокитс со 95:85 во првото коло од плејофот на Западната конференција и поведе со 1-0 во серијата.

Дуелот во Тексас ни донесе изедначена игра на двете екипи, а Вориорс по првото полувреме имаа 13 поени предност, 47:34.

Во продолжението Голден Стејт дојде до максимални +23, беше 64:41, но Хјустон се врати и во последните 12 минути влезе со негатива од 9 поени, 69:60. „Ракетите“ успеаја да стигнат на само 3 поени негатива, беше 76:73, а потоа Стеф Кари повторно стапи на сцена и ја обезбеди победата на гостите и водството во серијата.

Одлична партија имаше Стеф Кари со 35 поени, 6 скока и 3 асистенции, следен од Џими Батлер со 25 поени, 7 скокови и 6 асистенции, а двоцифрен беше и Брендон Поџемски со 14 поени, 8 скокови и 5 асистенции.

Кај Хјустон се истакна Алперен Шенѓун со 26 поени и 9 скокови, додека Дилон Брукс и Џабари Смит Џуниор додадоа по 11. Брукс додаде 3 скока и 2 асистенции, а Смит Џуниор 6 скокови. Двоцифрен беше и Фред ВанВлит со 10 поени и 7 асистенции.

Резултати:

Оклахома Сити Тандер - Мемфис Гризлис 131:80 (1-0)
Бостон Селтикс - Орландо Меџик 103:86 (1-0)
Кливленд Кавалирс - Мајами Хит 121:100 (1-0)
Хјустон Рокитс - Голден Стејт Вориорс 85:95 (0-1)