16 август 1977, умрел Кралот на рокенролот, Елвис Присли

На својот имот Грејсленд во Мемфис, умрел славниот американски рокенрол пејач Елвис Присли, наречен Кралот на рокенролот.

Роден на 8 јануари 1935 година во Тупело, Мисисипи, Елвис стекнал популарност во 50-тите години на минатиот век и не го давал музичкиот трон сѐ до неговата смрт. Негови светски хитови се „Suspicious Minds“, „If I Can Dream“, „In the Ghetto“, „Jailhouse Rock“, „Can’t Help Falling in Love“, „Love Me Tender“, „Heartbreak Hotel“, „An American Trilogy“, „Kentucky Rain“, „Mystery Train“ и многу други. Истовремено бил и глумец и снимил многу филмови од кои најпознати му се „King Creole“ (1958), „Viva Las Vegas“ (1964) и „Jailhouse Rock“ (1957).

Починал на 42-годишна возраст како последица од срцев удар.