16 март 1968: Американците го извршиле Ми Лај масакрот во Виетнам

Една група американски војници во мисија, во потрага по виетконговци, влегле во селцето Ми Лај, па иако таму не нашле војници, ги убиле сите постари мажи, жени и деца што ги затекле во селото. Само мал број селани преживеале, а вкупно убиени биле 347 лица.

Инцидентот на почетокот бил прикриван од армиски офицер со висок чин, но подоцна излегол во јавноста од страна на поранешните војници. На военото судење, водачот на водот, поручникот Вилијам Кали бил обвинет за наредба за убивање со умисла и бил осуден на доживотен затвор. Но, претседателот Ричард Никсон по три години го ослободил.

Масакрот и другите ѕверства откриени за време на судењето ја поделиле американската јавност и придонеле за зголемување на разочараноста од војната.