17 мај 1395, загинал Крале Марко

На денешен ден, пред точно 630 години, во Битката кај Ровине загинал Крале Марко, еден од најпознатите јунаци на епското народно творештво во Македонија.

Кралот Марко бил син на Волкашин и Евросима и бил роден околу 1335 година на непозната локација. Неговата фамилија Мрњавчевиќ потекнувала од градот Ливно во хрватскиот дел на Босна и Херцеговина.

По Маричката битка во 1371 година кога загинал неговиот татко, Марко застанал на чело на територија која ги опфаќала Тетово, Дебар, Охрид, Горица, Лерин, Битола и Прилеп, но како турски вазал. Иако неговиот народ не бил повеќе независен, терајќи одлична политика Марко успеал да им обезбеди убав живот поради што станал народен херој почитуван и од Османлиите.

Како вазал на султанот Бајазит I отишол да се бори против влашкиот војвода Јован Мирче и загинал во Битката кај Ровине. Неговиот гроб не е пронајден. Денес Крале Марко е многу почитуван во Македонија, но и во Србија, а порано неговиот култ се гаел и во Далмација.