5 септември 1664: Нов Амстердам станал Њујорк

Без ниту капка пролеана крв Холанѓаните им ја предале на Англичаните својата колонија наречена Нов Амстердам која набрзо била преименувана во Нов Јорк, а денес e прерасната во еден од најразвиените и најпознати градови во светот.

Англиските трупи предводени од полковникот Ричард Николс го имале опколено Нов Амстердам (на холандски: Ниу Амстердам), но по денови преговори постигнале договор со Холанѓаните. На 5 септември 1664 година градот без борба се предал, а за возврат холандските жители не биле избркани. Но, градот добил ново име, Њујорк, односно Нов Јорк, по градот Јорк во Англија.

Денес, три и пол века подоцна, Њујорк е еден од најголемите, најпрочуените и најпосетените градови на планетава.