Google France и Google Ireland се согласиле да платат 1,1 милион евра казна откако истрага на француските власти откри дека нивното рангирање на хотелите ги залажува посетителите.
Според извештајот на француското министерство за финансии објавен денеска, Google го променил начинот за рангирање на хотелите во септември 2019 година.
Американскиот пребарувач е обвинет за создавање на свој рејтинг систем за хотели, кој користи сопствен алгоритам при доделувањето на ѕвездичките и оценките на хотелите. Француските власти оцениле дека таков рејтинг систем може да биде востановен единствено од Владата и дека само државата има право да го користи истиот.
Во декември, Google заработи казна за прекршување на францускиот закон за онлајн колачиња, а Националната комисија за информатика и слободи му изрече казна од 100 милиони евра. ЦНИЛ тогаш откри дека казната за Google е најголема која некогаш ја изрекла. Интересно, претходната најголема казна гласеше 50 милиони евра и му беше изречена истотака на Google, но за прекршување на правилата за приватност на Европската Унија.