Тапанарот Френк Ферер по 19 години го напушта бендот „Guns N' Roses“.
Ферер беше најдолготрајниот тапанар на бендот, кој им се придружи во 2006 година како замена за Брајан Манти долго пред фронтменот Ексл Роуз повторно да се обедини со Слеш и басистот Даф МекКаган.
Бендот Guns N' Roses се огласи на Instagram за да го објави пријателското заминување на Френк.
„Бендот му се заблагодарува на Френк за неговото пријателство, креативност и постојано присуство во изминатите 19 години и му посакува успех во следното поглавје од неговата музичка кариера“, наведоа тие.
Последниот настап на Френк Ферер со бендот „Guns N' Roses“ беше на 5 ноември 2023 година во Мексико, а засега не се знае кој ќе го замени.
За потсетување, бендот „Guns N' Roses“ претходно најави голема европска турнеја за 2025 година, а познато е дека ќе одржат 21 настап во повеќе европски градови. Во рамките на турнејата треба да настапат и во Белград на 18 јули.
