Поп-културата се покажува како еден од најискрените и најреални критичари на општеството.
Од музика до ТВ и филм, овие содржини претставуваат најдобар запис за времето во кое живееме.
Но, понекогаш поп-културата е пред своето време, особено кога станува збор за ТВ-серии. Сценаристите и креативните директори на две од најпопуларните ТВ-серии на сите времиња – Friends и The Simpsons - можеби немаат натприродни моќи на предвидување, но имаат одлични вештини на набљудување и анализирање.
Во епизода на Симпсонови од 2000 година, сценаристите направија едно од нивните бројни предвидувања – дека Доналд Трамп ќе се кандидира за претседател и тоа откако претходно се спушти по ескалатор со сопругата Меланија.
Ова сепак е неспоредливо во однос на тоа како сценаристите на Friends ја предвидоа појавата на социјалната мрежа Facebook.
Во епизодата „The One With The Memorial Service“ од 2003 година, една година пред Марк Закерберг да го создаде The Facebook, Рос и Чендлер користат студентски сајт за мрежно комуницирање сличен на денешниот Facebook.
Во епизодата од сезона 9, Рос го отвора лаптопот и му вика на Чендлер: „Си го видел ова? Новиот сајт за поранешни и сегашни студенти од нашиот колеџ. Баш е кул! Може да објавуваш пораки што ги читаат другите луѓе, да им кажеш што ти се случува.“
На тоа Чендлер одговара (саркастично, како и секогаш):
„Ууу супер, сега можам уште побрзо да им кажам на сите дека немам ни работа, ни деца.“
Повеќе примери за тоа како поп-културата ја предвиде иднината, погледнете во видеото: